安仔浪漫會Sammi震撼紅館
【大公報】鄭秀文（Sammi）前晚繼續在紅館舉行演唱會，這晚的嘉賓是其舊愛許志安。安仔雖然要出席新城的頒獎禮，但他也抽空任嘉賓。安仔的出現震撼紅館。Sammi介紹嘉賓出場時，笑說：「今晚第3晚有一個好特別的人來做嘉賓，唔不透露太多喇。飲啖水先，因為以下呢隻歌已經N年冇唱過啦！」隨即樂隊奏出《其實你心裡有沒有我》的樂曲，全場歌迷立即瘋狂尖叫。此時手執一束桃紅色鮮花的安仔上台，相當浪漫。
Sammi與安仔關係微妙，二人合唱時，Sammi將「是我愛你太多」的歌詞改為「是我愛佢太多」，到最後唱到「其實你心裡有沒有我？」這一句時，Sammi更表現得一臉害羞，不敢正面望安仔。在台上安仔解釋今次送花，是因為他看首場時，發現她有一套桃紅色的衫，所以特別買束花來襯她。Sammi聞言開心笑說：「多謝你吓，夠朋友吓。」安仔又謂得知Sammi的唱片收益是捐給「兒童癌病基金」及「無國界醫生」，他覺得好感動，承諾會買一百張。他說之前其實早已買了一張，但蘇永康去他屋企時被康仔拿走了。
待Sammi去換衫時，安仔說最近致電給她，她不是跑步便是在祈禱。上星期致電提醒對方天氣冷了時，聽到她的聲音似不太舒服，也有點擔心。因為開十場演唱會不簡單。他說：「我睇完第一場後覺得佢充滿力量，好想做一個好Show給大家睇，?呢一個樂壇裡面，我衷心咁講，聲色藝俱全的香港歌手只有兩個，一個叫梅艷芳，一個叫鄭秀文。」之後安仔唱出《唯獨你是不可取替》一曲，表明是唱給Sammi聽的。
女友欣賞Sammi
安仔在新城慶功宴上，被問到送花給Sammi，會否怕女友呷醋？他作狀發嬲說：「你一問我就扯火。（有冇介紹女友畀Sammi識？）佢都好欣賞Sammi的歌的。」安仔又說在台上被Sammi玩謝，而原本他是送十四支花，但Sammi嫌意頭不好，他便送了十二支。記者指十二支花代表「我愛你」，他聞言大驚說：「吓？唔係?，我唔知喎。」他又謂原本與Sammi是唱《會過去的》，臨時Sammi表示想唱《其實你心裡有沒有我》，他唯有立即背歌詞。
提到Sammi改歌詞為「是我愛佢太多」，他覺得對方在示愛嗎？他說：「唔係啦，唔好咁敏感。（佢好怕醜喎！）係咩，我冇留意，我專心記歌詞。」對於Sammi自稱感情生活像「沙漠」，他會否給予對方水源呢？安仔沒好氣地說：「又水源又綠洲好冇？如果佢要愛情，（追求者）由彌敦道排到沙頭角啦。」提到歌迷好接愛他們，會否有機會復合呢？安仔立即走人。
留言列表